ජාතික යොවුන් සේනාංක මූලික පුහුණු කාල සීමාව මාස 06කි. වසරකට කණ්ඩායම් 02 බැගින් පාඨමාලා 02ක් පවත්වනු ලබයි. එමෙන්ම මේ පුහුණු පාඨමාලා තුළම ත්‍රෛ මාසික පාඨමාලා ද සකස් කර ඇත. මූලික පෞරුෂ සංවර්ධන පුහුණු පාඨමාලාව සහා මෘදු කුසලතා, පෞරුෂ සංවර්ධනය හා වෘත්තීය මාර්ගෝපදේශනය පදනම් කර ගනිමින් පාඨමාලා විෂය නිර්දේශයන් සකස් වී ඇත. මෙම සියලු විෂය නිර්දේශයන් විධිමත් ලෙස ආවරණය කරනු ලබන අතර, විනය, නායකත්වය සහ පෞරුෂය යන තෙවැදෑරුම් කාරණාවන්ට මුල් තැන දෙමින් කාර්ය සාධන පුහුණුවීම්, ප්‍රජා මූලික වැඩසටහන්, මධ්‍යස්ථාන, පළාත් සහ ජාතික මට්ටමේ ක්‍රීඩා හා සංස්කෘතික ඉසව් වැනි දෑ ද ජාතික යොවුන් සේනාංක ඉගෙනුම් ක්‍රියාවලියට ඇතුළත් කර ඇත. ජාතික යොවුන් සේනාංක පුහුණුවේ විෂය මාලාව ඉංග්‍රීසි, තොරතුරු තාක්ෂණය, දෙමළ සහ සෞන්දර්යය වැනි අධ්‍යයන ක්ෂේත්‍රයන්ගෙන් ද සමන්විත වේ.
ඉංග්‍රීසි භාෂාවෙහි තිබෙන ජාතික සහ අන්තර්ජාතික ව්‍යවහාරික වැදගත්කම සලකමින් ජාතික යොවුන් සේනාංකය ස්වකීය ආයතනික පුහුණුලාභීන්ගේ කුසලතා සහ භාෂා දැනුම වර්ධනය කිරීමට නිසි පියවර ගෙන තිබේ. ඒ අනුව ඉංග්‍රීසි භාෂාව පිළිබඳ විෂය නිර්දේශය සකස්කර තිබෙන්නේ සන්නිවේදනය, කථනය සහ අනාගත වෘත්තීය මග ජයගැනීමට අවශ්‍ය මූලික දැනුම ද ලබා දීමේ අරමුණ ඇතිවය
