ශ්‍රී ලාංකේය තාරුණ්‍ය ජාත්‍යන්තර තලයට ඔසවා තැබීමෙහි ලා දෙස් විදෙස් හෝටල් ක්ෂේත්‍රයට සරිලන නිපුණ ශිල්පීය ගුණයෙන් හෙබි තරුණ පිරිසක් බිහි කිරීමේ අරමුණින් ජාතික යොවුන් සේනාංකය මඟින් දියත් කරනු ලබන විශේෂ ව්‍යාපෘතියක් ලෙස යොවුන් සේනාංක හෝටල් පුහුණු පාසල 2014 වර්ෂයේ සැප්තැම්බර් මස මාතලේ දිස්ත්‍රික්කයේ, දඹුල්ල ප්‍රා‍දේශීය ලේකම් කොට්ඨාසයේ, ඉනාමළුවේ දී ආරම්භ කරන ලදී. ආරම්භයේ වර්ෂයේ සිට මේ දක්වා හෝටල් ක්ෂේත්‍රයේ පරිපුර්ණ වෘත්තිකයන් 2400 කට අධික ප්‍රමාණයක් මෙම හෝටල් පුහුණු පාසල මගින් බිහි කර ඇත.
ජාතික යොවුන් සේනාංක ජිවන කුසලතා මුලික පාඨමාලාව අවසන් කරන ලද පුහුණුලාභීන්ට මෙන්ම හෝටල් ක්ෂේත්‍රය සඳහා යොමුවීමට කැමති අවුරුදු 18 – 28 ත් අතර තරුණ පිරිස් සඳහා ද බාහිර අයදුම්කරුවන් ලෙස යොවුන් සේනාංක හෝටල් පුහුණු පාසල සමග සම්බන්ධ විය හැකිය. හෝටල් පුහුණු පාසල සඳහා වාර්ෂිකව කණ්ඩායම් 02ක් පුහුණුව සඳහා ඇතුළත් කර ගනු ලබන අතර, හෝටල් ක්ෂේත්‍රයේ පහත පාඨමාලා 06 මේ යටතේ ක්‍රියාත්මක වේ.
1) වෘත්තීය සූපවේදය (professional Cookery) | NVQ level IV |
2) ආහාර පාන හා සේවක (Food & Beverage) | NVQ level IV |
3) පේස්ට්‍රි බේකරි අංශය (Pastry & Bakery) | NVQ level IV |
4) පිළිගැනීමේ අංශය (Front Office) | NVQ level IV |
5) ගෘහ පාලන අංශය (Hotel House Keeping) | NVQ level III |
6) සහකාර බංගලා භාරකරු (Assistant Bungalow Keeper) | NVQ level III |
ඉහත පුහුණු පාඨමාලා ජාතික වෘත්තීය සුදුසුකම් (NVQ) III / IV මට්ටමේ පාඨමාලා වන අතර එක් වරකදී, පුහුණුලාභීන් 250 බැගින් වාර්ෂිකව පුහුණුලාභීන් 500 ප්‍රමාණයකට පුහුණුව ලබා දීමේ හැකියාව මෙම හෝටල් පුහුණු ආයතනය සතුය. එමෙන්ම, හෝටල් පුහුණු පාසලකට අවශ්‍ය සියලුම නවීන උපාංග වලින් සමන්විත මෙම පුහුණු පාසලේ හෝටල් ක්ෂේත්‍රයේ සුදුසුකම් ලත් දක්ෂ උපදේශක මණ්ඩලයක් මගින් පුහුණුව ලබා දෙනු ලබයි. මෙහිදී නිසි ප්‍රචාරණ ක්‍රමවේදයක් යටතේ පුහුණුලාභීන් බඳවා ගැනීම සිදු කරනු ලබන අතර, පාඨමාලා කාල සීමාව තුළ පුහුණුලාභීන් සඳහා නවාතැන් පහසුකම් සහ ආහාර නොමිලේ ලබා දෙනු ලැබේ. එමෙන්ම, පාඨමාලා කාල සීමාව තුළ පුහුණුලාභීන් සඳහා මූලික පෞරුෂ සංවර්ධන පුහුණුව, නායකත්වය, මෘදු කුසලතා සංවර්ධන පුහුණුව, චීන භාෂාව හා තොරතුරු තාක්ෂණය පිළිබඳ මූලික දැනුම ද ලබා දෙනු ඇත.
වෘත්තීය සූපවේදය – ජාතික වෘත්තීය සුදුසුකම් IV මට්ටම
රැකියාව : සූපවේදී
විෂය පථය
ආහාර පාන හා සේවක අංශය – ජාතික වෘත්තීය සුදුසුකම් IV මට්ටම
රැකියාව : ආහාර පාන සේවක
විෂය පථය
පේස්ට්‍රි බේකරි අංශය – ජාතික වෘත්තීය සුදුසුකම් IV මට්ටම
රැකියාව : බේකර්
විෂය පථය
ගෘහ පාලන අංශය – ජාතික වෘත්තීය සුදුසුකම් III මට්ටම
රැකියාව : හෝටල් ගෘහ පාලන අංශය
විෂය පථය
පිළිගැනීමේ අංශය – ජාතික වෘත්තීය සුදුසුකම් IV මට්ටම
රැකියාව : පිළිගැනීමේ නිලධාරි
විෂය පථය
සහකාර බංගලා භාරකරු – ජාතික වෘත්තීය සුදුසුකම් III මට්ටම
රැකියාව : සහකාර බංගලා භාරකරු
විෂය පථය
හෝටල් පුහුණු පාඨමාලා අවසානයේ සියලුම පුහුණුලාභින් කර්මාන්ත පුහුණුව සඳහා යොමු කෙරෙන අතර ඉන් අනතුරුව පුහුණුලාභීන් වෙත (NVQ) III / IV ජාතික වෘත්තීය සුදුසුකම සහිතව සංචාරක හෝටල් ක්ෂේත්‍රයේ මෙරට පිළිගත් රැකියා අවස්ථා හිමි කර දෙනු ඇත. ආරම්භයේ සිට අද දක්වා මෙම පුහුණු පාඨමාලාව හැදෑරු සියලු පුහුණුලාභින් මේ වන විට අදාල ක්ෂේත්‍රයේ උසස් රැකියාවල නිරත වෙමින් තම වෘත්තිය මග ජය ගන්නට හැකියාව ලැබී ඇත.
වයස අවු.18ත් – 28ත් අතර ශ්‍රී ලාංකික තරුණ තරුණියන්
මාස 06 (NVQ Level 04 සදහා කර්මාන්තගත පුහුණුව මාස 06කි)
